Г.Полтавченко бо ҳайати калон озими Душанбе мегардад
Душанбе, 08.10.2014.(АМИТ «Ховар», Марзия Саидзода).-Интизор меравад, ки Георгий Полтавченко -волии шаҳри Санкт-Петербурги Русия дар нимаи аввали моҳи ноябри соли равон бо як ҳайати баландпоя озими Душанбе гардад. Губернатори Санкт-Петербург дар чорабиниҳое, ки дар доираи Рӯзҳои Санкт-Петербург дар Душанбе доир мегарданд, иштирок намуда, ҳамзамон бо шаҳрдори Душанбе Маҳмадсаид Убайдуллоев дидору мулоқот хоҳад кард.
Шавкат Саидов-котиби матбуотии раиси шаҳри Душанбе дар суҳбат ба хабарнигори АМИТ «Ховар» гуфт, ки тибқи тақвими тарҳрезинамудаи шаҳрдории Душанбе, баргузории Рӯзҳои шаҳри Санкт -Петербург дар нимаи дуюми моҳи октябр -дар доираи таҷлили ҷашни 90-солагии Душанбе пешбинӣ гардида буд. Бо назардошти иштироки бевоситаи Георгий Полтавченко -волии Санкт-Петербург дар чорабиниҳои марбут ба баргузории Рӯзҳои шаҳри соҳили Нева дар Душанбе, ин чорабинӣ ба таъхир афтода, санаи баргузорияш рӯзҳои 7-8 ноябри соли равон муқаррар гардид.
Шавкат Саидов афзуд, ки дар доираи баргузории Рӯзҳои Санкт-Петербург дар Душанбе тибқи барномаи тарҳрезишуда ҷаласаҳои тантанавӣ, чорабиниҳои мухталифи фарҳангӣ-консертҳои калон, барномаҳои театрӣ бо иштироки ҳунармандони рус баргузор мегарданд.
Бояд тазаккур дод, ки Душанбе ва Санкт-Петербург дар асоси созишномаи ба тасвиб расида аз 6 октябри соли 1991 бародаршаҳр мебошанд. 30 апрели соли 1999 созишномаи нав дар бораи паймони бародаршаҳрӣ ва Созишнома байни Ҳукумати шаҳри Душанбе ва Маъмурияти шаҳри Санкт-Петербург дар бораи ҳамкориҳои тиҷоратӣ-иқтисодӣ, илмӣ-техникӣ ва фарҳангӣ ба имзо расид.
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
