Ифтитоҳи мактабҳо дар Зафаробод

Октябрь 9, 2014 12:08

Зафаробод, 09.10.2014. (АМИТ «Ховар», Абдуаҳад Шарифзода).- 8 октябр раиси вилояти Суғд Абдураҳмон Қодирӣ ба ноҳияи Зафаробод сафари корӣ анҷом дод. Сафари кории рохбари вилоят аз кори ба истифода додани роҳи навбунёди мошингарди Зафаробод-Истаравшан, ки  тавассути деҳаи Уяс мегузарад ва ин ду ноҳияро мепайвандад, оғоз ёфт. 
Бояд гуфт, ки дарозии роҳи мазкур 23 километр буда, он аз буҷети вилоят бо маблағи зиёда аз 8 миллион сомонӣ навсозӣ ва мумфарш  шудааст. 
Сипас раиси вилоят дар маросими ба истифода додани мактаби нави № 23-и деҳаи Навбаҳори ҷамоати деҳоти Ҷомии ноҳия иштирок намуд.  Мактаби мазкур дар тӯли як сол аз тарафи соҳибкор аз ноҳияи Ҳисор Қурбонмурод Неъматов бо маблағи 1 миллиону 300 ҳазор сомонӣ сохта шуда, он аз 10 синфхона иборат буда, барои 240 хонанда пешбинӣ шудааст. 
Баъдан бо иштироки Абдураҳмон Қодирӣ дар ҷамоати шаҳраки Зафаробод  бинои нави иловагии мактаби №22, ки аз буҷети вилоят бо маблағи 1 миллиону 700 ҳазор сомонӣ сохта шуда, он дорои 8 синфхона барои 240 ҷойи нишаст мебошад, мавриди баҳрабардорӣ қарор гирифт. 
Дар анҷоми сафари корӣ дар толори мақомоти иҷроияи ҳокимияти давлатии ноҳияи Зафаробод  ҷаласаи кории раиси вилоят бо кишоварзони ноҳия доир гашт. 

Октябрь 9, 2014 12:08

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид