Иштироки варзишгарони тоҷик дар мусобиқот аз рӯи гӯштии тарзи дзюдо
Душанбе, 16.10.2014. (АМИТ «Ховар», Пайрави Қосим). – Аз 16 то 18 октябр дар шаҳри Тошканд мусобиқот аз рӯи гӯштии тарзи дзюдо барои дарёфти мукофоти асосӣ баргузор мешавад.
Тавре ки аз Кумитаи миллии олимпии Тоҷикистон хабар доданд, дар ин мусобиқот 10 нафар варзишгарони кишвар аз рӯи 6 намуди вазн иштирок мекунанд.
Аз ҷумла, Беҳрӯзи Хоҷазода дар вазни 66 килограмм, Расул Абдушарифов дар вазни 73 килограмм, Саидмухтор Расулов дар вазни 81 килограмм, Саидҷамол Алимардонов, Комрон Қарлиқов дар вазни 90 килограмм, Комроншоҳи Устопириён, Саидҷалол Саидов дар вазни 100 килограмм, Неъматулло Асронқулов, Дадахон Қурбоналиев ва Муҳаммадмурод Абдураҳмонов дар вазни беш аз 100 килограмм қувваозмоӣ менамоянд.
Ёдовар мешавем, ки мусобиқот аз рӯи гӯштии тарзи дзюдо барои дарёфти мукофоти асосӣ бори нахуст моҳи октябри соли 2013 баргузор гардида, дар он варзишгарони қариб 20 кишвар ширкат доштанд.