Комроншоҳи Устопириён- ғолиби Гран-прии дзюдо
Душанбе, 13.10.2014. (АМИТ «Ховар», Зарангези Латиф).- Паҳлавони маъруфи тоҷик Комроншоҳи Устопириён дар мусобиқаи байналмилалии Гран-прии дзюдо дар Остонаи Қазоқистон медали тилло ба даст овард.
Бояд гуфт, ки мусобиқа, рӯзҳои 10-12-уми октябр дар байни мардону занон дар 7 вазн сурат гирифт, ки дар он 277 варзишгар аз 36 кишвари ҷаҳон иштирок дошт. Онҳо инчунин барои имтиёзҳои олимпии Бозиҳои соли 2016 мубориза бурданд.
Мавриди зикр аст, ки ба ҳайати дастаи мунтахаби Тоҷикистон 7 варзишгар шомил буда, онҳо дар сабқати мардон дар чор вазн рақобат карданд.
Комроншоҳ дар вазни то 90 кило, ки ҳамагӣ 25 нафар ширкат дошт, баъд аз се ғалаба бар Милан Рандл (Словакия), Самир Гучапшев (Русия) ва Александр Иддир (Фаронса) ба даври ниҳоӣ роҳ ёфт. Вай дар қувваозмоии ҳалкунанда Асет Ахметҷонов аз Қазоқистонро шикаст дод.
Комроншоҳ барои ҷойи аввал ба ҷуз медали тилло бо ҷоизапулӣ ба маблағи 3 ҳазор доллар сарфароз гашт. Дар ин вазн Александр Иддир аз Фаронса ва Кюҷау Нхабали аз Украина медалҳои биринҷӣ гирифтанд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
