Курсҳои байналмилалии мураббиҳои дастаҳои футбол
Душанбе, 17.10.2014. (АМИТ «Ховар», Пайрави Қосим). – Имрӯзҳо дар шаҳри Душанбе курсҳои даҳрӯзаи байналмилалии мураббиҳои дастаҳои футбол аз рӯи барномаи ҳамоҳангсозии олимпӣ идома доранд.
Тавре ки аз Кумитаи миллии олимпии Тоҷикистон хабар доданд, футболбози номӣ, бозингари беҳтарини таърихи футболи Беларус собиқ қаҳрамони Аврупо дар ҳайати дастаи мунтахаби ИҶШС, собиқ ниммуҳофизатгари дастаи «Динамо» — и шаҳри Минск ва дастаи «Ювентус» — Италиё Сергей Алейников роҳбари курсҳои зикршуда ба шумор меравад.
Курсҳои байналмилалии мураббиҳои дастаҳои футбол бо ибтикори Кумитаи миллии олимпии Тоҷикистон ва Федератсияи футболи кишвар роҳандозӣ шуда, 25 нафар мураббиҳои бахши футболи минтақаҳои мухталифи ҷумҳурӣ шунавандагони он мебошанд.
Дар маросими ифтитоҳи курсҳо дабири кулли Кумитаи миллии олимпии ҶТ Баҳрулло Раҷабалиев ва дабири кулли Федератсияи футболи Тоҷикистон Ислом Маҳмадшоев ба Сергей Алейников барои ризоияташ ба доир намудани курсҳои байналмилалӣ изҳори миннатдорӣ карданд.
Б.Раҷабалиев ва И.Маҳмадшоев изҳори умедворӣ намуданд, ки мураббиҳои бахши футбол донишҳои дар курсҳо бадастовардаашонро дар фаъолияти минбаъдаашон истифода хоҳанд кард.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
