Куштор бар асари рашк

Душанбе, 10.10.2014. (АМИТ «Ховар», Кристина Эрлих). – Дирӯз кормандони мақомоти  ҳифзи  ҳуқуқ сокини ноҳияи Бобоҷон  Ғафуров  Сироҷиддин  Баҳромовро бо  гумонбари  куштор  дастгир  намуданд. 
Тавре  ки  ВКД ҶТ  хабар  медиҳад, шахси  номбурда  дар  наздики  бозори  «Фаровон» бар  асари  рашк ҳамсари 23 – солааш Холида  Остоноваро  латукӯб  карда, ба  ҷойҳои гуногуни  баданаш  чор  маротиба  корд  зада, ҷабрдида аз таъсири  захмҳои  вазнин  дар маҳалли  ҳодиса ба  ҳалокат  расид.
Аз рӯи  ин  қазия  парвандаи  ҷиноӣ  кушода,  тафтишот  идома дорад.