«Маҷолиси сабъа”

Душанбе, 14. 10. 2014. (АМИТ “Ховар”, Ҳотами Шариф).-        Олимони Донишкадаи давлатии забонҳои Тоҷикистон ба номи Сотим  Улуғзода Ҳ. Мақсудов, М. Сафаров, Ғ. Турсунов, А. Эшонхонов асари насрии мутафаккир ва шоири бузурги тоҷик Мавлоно Ҷалолуддини Румиро таҳти унвони “Маҷолиси сабъа” интишор намуданд. Ин нахустин нашри китоби мазкур бо хати кириллӣ буда, дар асоси матни тасҳеҳшуда ва тавзеҳёфтаи доктор Ҳ. Субҳонӣ баргардон шудааст. 
Муҳаррири масъули китоб ва муаллифи сарсухан доктори илми фалсафа профессор Хуршед Зиёев мебошад. “Маҷолиси сабъа” асари нисбатан хурдтари Мавлоно Ҷалолуддини Румӣ буда, мавзӯотеро, ки дар вохӯриҳои мутафаккир бо доираи васеи мардум матраҳ шудаанд, дар бар мегирад. Ин китоб агарчи мазмуни сӯфиёна дорад, то вохӯрӣ бо Шамси Табрезӣ навишта шудааст.