«Масъалаҳои муҳими кимиё ва фармакология» — конфронси илмӣ
Душанбе, 16.10.2014. (АМИТ «Ховар», Раъно Нусратуллозода).-Дирӯз дар Академияи илмҳои Ҷумҳурии Тоҷикистон бахшида ба 80-умин солгарди олими шинохтаи тоҷик, доктори илмҳои тиб, фармаколог, академики Академияи илмҳои Ҷумҳурии Тоҷикистон Карим Ҳайдаров таҳти унвони «Масъалаҳои актуалии кимиё ва фармакология» конфронси илмӣ доир гардид.Тавре ки аз Акдемияи илмҳои Ҷумҳурии Тоҷикистон иттилоъ доданд, дар конфронс президенти Академияи илмҳои Ҷумҳурии Тоҷикистон Фарҳод Раҳимӣ ва дӯстону наздикони соҳибҷашн сухан гуфтанд.Дар конфронс дар мавзӯъҳои «Дар бораи академик Ҳайдаров Карим Ҳайдарович: Аз пайдоиш ва ташаккулёбии илми фармакология дар Институти химияи ба номи И. В. Никитини Академияи илмҳои Ҷумҳурии Тоҷикистон», «Фармакологияи бархе аз маҷмаи антидиабетӣ дар асоси растаниҳои давоии Тоҷикистон», «Муаммоҳои муосири синтези пептидҳо ва таҳияи маводи давоии пептидӣ», «Синтез ва ҷудосозии маводи холелитолитӣ дар асоси бархе аз стероидҳо ва маҳсулоти рустаниҳои давоӣ» аз ҷониби олимони соҳа маърӯзаҳои пурмуҳтаво шунида шуданд.