Медали биринҷии гӯштигири ҷавони тоҷик
Душанбе, 30.10.2014. (АМИТ «Ховар»). — Гӯштигири ҷавони Тоҷикистон Абдумуслим Раҷабов дар мусобиқоти байналмилалӣ барои дарёфти мукофоти Бувайсар Сайтиев, ки чанде пеш дар шаҳри Красноярски Федератсияи Русия анҷом ёфт, дар вазни то 69 килограмм медали биринҷӣ ба даст овард.Тавре ки аз Кумитаи миллии олимпии Тоҷикистон хабар доданд, дар мусобиқот 335 нафар варзишгарони ҷавони 14 минтақаи Русия, ҳамчунин меҳмонон аз Белгия, Олмон, Эрон, Қазоқистон, Қирғизистон, Муғулистон, Тоҷикистон, Ӯзбекистон, Фаронса ва Ҷопон ширкат доштанд.