Муҳокимаи ҳамоҳангсозии масоили сулҳ

Душанбе, 08.10.2014. (АМИТ «Ховар»,  Раъно  Нусратуллозода). – «Ҳамоҳангсозии  масоили  сулҳ,  инсондӯстӣ  ва шаҳрвандии  ҷаҳонӣ  дар бахши таҳсилоти  миёна» — чунин  аст мавзӯи  семинари минтақавӣ, ки  14  ва  15  октябр  дар  шаҳри  Алмаато  баргузор  мешавад. 
Тавре  ки  аз Академияи  таҳсилоти  Тоҷикистон ба  АМИТ «Ховар»  хабар  доданд,   семинарро Шӯрои  ҳамоҳангсозии   макотиби  ЮНЕСКО  дар  Ҷумҳурии  Қазоқистон  якҷоя  бо дафтари  ЮНЕСКО  оид ба Қазоқистон,  Қирғизистон,  Тоҷикистон ва  Ӯзбекистон  дар  ҳошияи   барномаи  дафтари ЮНЕСКО  воқеъ дар  шаҳри  Алмаато  доир  менамояд.