Муаррифии имкониятҳои туристии Тоҷикистон дар Эрон

Душанбе, 10.10.2014 (АМИТ «Ховар», Фарзонаи Давлат).-Руслан Шодиков, муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон барои муаррифии имкониятҳои туристии Тоҷикистон ва ҷалби бештари сайёҳон ба кишвар дар симпозиуми байналмилалии “Рушди туризм баҳри ба ҳам овардани фарҳангҳо ва беҳдошти фазои экологии ҷаҳон”, ки аз 14-ум то 16-уми октябри соли ҷорӣ дар шаҳри Теҳрони Ҷумҳурии исломии Эрон баргузор мешавад, оид ба мавзӯи мазкур сухан мегӯяд.
Бино ба иттилои мудири бахши таҳлилу иттилооти Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ҷалолиддин Нуров, дар чорабинии мазкур, ки бо дастгирии бевоситаи СММ баргузор гардида истодааст, зиёда аз 30 давлати дунё иштирок менамояд. Руслан Шодиков бо истифода аз ин фурсати муносиб бори дигар имкониятҳо ва самтҳои афзалиятноки ҷалби сайёҳон ба Тоҷикистонро барои иштирокчиёни симпозиум муаррифӣ мекунад.