Мулоқоти Н.Зоҳидӣ бо К.Микурия
Душанбе, 02.10.2014. (АМИТ «Ховар», Мавҷудаи Анварӣ). — Чанде пеш дар шаҳри Душанбе мулоқоти муовини вазири корҳои хориҷии Тоҷикистон Низомиддин Зоҳидӣ ва Дабири кулли Созмони умумиҷаҳонии гумрук Кунио Микурия сурат гирифт.
Тавре ки ВКД ҶТ хабар медиҳад, дар ҷараёни мулоқот масоили таҳкими ҳамкории дуҷонибаи миёни Тоҷикистон ва Созмони умумиҷаҳонии гумрук баррасӣ шуданд.
Ҷонибҳо омодагии худро барои мусоидат ба рушди муносибатҳои дуҷониба ва густариши минбаъдаи фаъолияти Созмони умумиҷаҳонии гумрук дар Тоҷикистон иброз доштанд.