Набераи З.Шаҳидӣ — ҷоизи озмуни ҷаҳонӣ

Душанбе, 09.10.2014. (АМИТ «Ховар», Екатерина  Пасторова). – Чанд рӯз пеш дар  шаҳри Санкт – Петербург натиҷаи Озмуни ҳаштуми кушодаи бастакорон ба  номи Андрей  Петров, ки дар  он  набераи бастакори машҳури тоҷик Зиёдулло  Шаҳидӣ  Фарангис Нурулло ҷойи  фахрии сеюмро  ишғол  намуд, ҷамъбаст  гардид.
Ёдовар  мешавем, ки Фарангис  Нурулло дар  консерт  таҳти  унвони «Падарам», ки бо  ҳамовозии саксофон ва оркестри  симфонӣ  доир  гардид, мукофоти  сеюмро ба  даст  овард. 
Ба  озмун  120  дархост  аз 32  шаҳри  Русия  ва  6  кишвари  хориҷӣ  расида буд. Пирӯзии Фарангис  Нурулло  дар  ин озмуни  ҷаҳонӣ  тӯҳфаи  хубест ба   ҷашни  100-  солагии  зодрӯзи  бастакори номӣ  Зиёдулло  Шаҳидӣ.