Намоиши маҳсулоти кишварҳои Осиёи Марказӣ

Душанбе, 30.10.2014. (АМИТ «Ховар», Кристина Эрлих). — Дар ҳошияи Анҷумани якуми сармоягузории Созмони ҳамкории исломӣ барои кишварҳои Осиёи Марказӣ 28 октябр дар «Кохи Сомон» маҳсулоти кишварҳои Осиёи Марказӣ ба маърази намоиш гузошта шуд, ки мақсад аз он шиносоии иштирокдорони анҷуман бо имконоти минтақа дар бахши сармоягузорӣ мебошад. Тавре ки аз Палатаи савдо ва саноати ҶТ ба АМИТ «Ховар» хабар доданд, дар намоишгоҳ ҳар соҳаи иқтисодиёти Тоҷикистон дастовардҳои худ ва дурнамои рушди ҷумҳурӣ ба манзури таъмини истиқлолияти энергетикӣ ва баромадан аз бунбасти коммуникатсиониро манзури алоқамандон намуд.