Намоиши Театри лухтаки Новосибирск дар Душанбе

Душанбе, 2.10.2014. (АМИТ «Ховар», Зарангези Латиф).- Аз 8-ум то 17-уми октябри соли равон ҳайати эҷодии Театри вилоятии лӯхтаки шаҳри Новосибирск бо сафари хизматӣ ба Душанбе меояд.
Тавре ки аз Театри лӯхтаки Тоҷикистон хабар доданд, барномаҳои ҳунарии ҳайати кормандони ин театр дар Театри лӯхтаки Тоҷикистон ба намоиш гузошта мешаванд.
Гуфта мешавад, ки аз 8-ум то 17-уми октябр ҳамарӯза ду се намоиш пешкаши бинандагон ва дустдорони санъати волои театр гардонида мешавад. 
Зимни сафар намоишномаҳои «Саргузаштҳои ҷангалӣ» ва  «Харгӯш, рӯбоҳ ва хурӯс» ба намоиш гузошта мешаванд.
Дар интиҳои сафари хизматии ҳайати Театри вилоятии Новосибирск гузаронидани маҳфилҳои омӯзишӣ барои бинандагон низ дар назар дошта шудааст.