Омӯзиш барои мутахассисони соҳаи кор бо ҷавонон

Душанбе,08.10.2014 (АМИТ “Ховар”, Фарзонаи Давлат).-  Аз 29-ум сентябр то 4 октябри соли равон барои мутахассисони соҳаи кор бо ҷавонон, варзиш ва сайёҳии шаҳру ноҳияҳои мамлакат дар Донишкадаи идоракунии давлатии назди Президенти Тоҷикистон бо дастгирии Ҳукумати кишвар курси такмили ихтисос дар мавзўи «Сиёсати давлатии ҷавонон дар Ҷумҳурии Тоҷикистон» ташкил шуд, ки онро беш аз 50 нафар шунаванда хатм кард.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар он аз тамоми минтақаи кишвар масъулини сохторҳои маҳаллии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иштирок намуданд.
Дар маросими супоридани сертификат ба шунавандагон аз ҷониби роҳбарияти Кумитаи ҷавонон, варзиш ва сайёҳӣ, Донишкадаи идоракунии давлатии назди Президенти Ҷумҳурии Тоҷикистон, Агентии хизмати давлатии назди Президенти Тоҷикистон иштирок намуда ва дар фаъолияти минбаъдаашон муваффақиятҳо таманно карданд.
Гуфта мешавад, ки барои шунавандагон дар мавзуъҳои гуногун масъулини дастгоҳи марказии кумита, мутахассисони соҳа ва устодони донишкада дарс гуфтанд. Ташкили курси такмили ихтисос барои мутахассисони соҳа ҷиҳати баланд гардидани неруи зеҳнӣ, малакаи корӣ, татбиқи босамари барномаҳои давлатии соҳавӣ ва барои тақвият бахшидани корҳои ташвиқотиву тарғиботӣ миёни аҳолӣ дар маҳалҳо мусоидат хоҳад кард.