Омода намудани кадрҳои баландихтисоси иқтисоди миллӣ

Душанбе, 15.10.2014.(АМИТ «Ховар», Мавҷуда Анварӣ).- «Имрӯзҳо барои сармоягузорон ва соҳибкорони хориҷӣ дар Ҷумҳурии Тоҷикистон тамоми шароит муҳайё шудааст»-, гуфт вазири рушди иқтисод ва савдо Шариф Раҳимзода имрӯз зимни вохӯрӣ бо директори генералӣ оид ба робитаҳои хориҷии Вазорати федеролии илм, тадқиқот ва иқтисоди Австрия-раиси қисми австриягии Комиссияи байниҳукуматӣ оид ба робитаҳои иқтисодию тиҷоратӣ Франтс Вессиг, ки ба шаҳри Душанбе ҷиҳати иштирок дар ҷаласаи панҷуми Комиссияи байниҳукуматӣ оид ба робитаҳои иқтисодию тиҷоратӣ байни Тоҷикистону Австрия ташриф овардаанд.
Тибқи иттилои маркази матбуоти Вазорати рушди иқтисод ва савдо, зимни мулоқот ҷонибҳо атрофи масъалаҳои иқтисод ва тиҷорат, рушди содирот, сайёҳӣ, иқтидори истеҳсолии ҷумҳурӣ ва коркарди маҳсулоти кишоварзӣ ва дар ин замина омода намудани кадрҳои баландихтисос дар соҳоти мухталифи иқтисоди миллӣ мубодилаи афкор намуданд.