Раиси шаҳр роҳбарони корхонаҳои нақлиётиро иваз мекунад
Душанбе, 17.10.2014. (АМИТ «Ховар», Марҳабои Азамат). – Мақомоти иҷроияи ҳокимияти давлатии шаҳри Душанбе барои таъйини директорони муассисаҳои давлатию коммуналии «Душанбенақлиётхадамотрасон», «Автобус – 1», «Автобус – 2», «Автобус –3» ва «Троллейбус» ба ҷойҳои холӣ озмун эълон намуд.
Дар ин бора аз дафтари матбуоти раиси шаҳри Душанбе М. Убайдуллоев ба АМИТ «Ховар» хабар доданд.
Назар ба хабари манбаъ, қабули ҳуҷҷатҳои довталабон аз 13 октябр оғоз ёфта, то 14 ноябр давом мекунад.
Тавре ки аз ҳукумати шаҳр хабар доданд, натиҷаи озмун 18 ноябри соли ҷорӣ ҷамъбаст мегардад.