Сарқонун- бахтномаи миллат

Душанбе, 17.10.2014. (АМИТ «Ховар», Зарангези Латиф).-Бахшида ба 20 — солагии  Конститутсия (Сарқонун)-и Ҷумҳурии Тоҷикистон ва 90 — солагии ташкили мақомоти  судии кишвар дар шаҳри Истаравшан конфронс дар мавзӯи «Сарқонун- бахтномаи миллат» доир гардид.
Бояд гуфт, ки дар конфронс роҳбарияти шаҳр ва роҳбарони мақомоти судӣ, намояндагони ҷамоатҳои деҳот, кумитаи маҳаллаҳо, омӯзгорону кормандони соҳа иштирок намуданд.
Тавре ки аз Хадамоти матбуоти раиси вилояти Суғд хабар доданд, дар охири конфронс ба як гурӯҳ кормандони Суди шаҳр ва машваратчиёни ҷамъятии он Сипоснома, Ифтихорнома ва туҳфаҳои хотиравӣ супорида шуданд.