Такмили малакаи касбӣ дар соҳаи шустани маблағ

Душанбе, 29.10.2014. (АМИТ «Ховар», Мавҷуда Анварӣ).- Семинари дурӯза дар чорчӯбаи Барномаи минтақавии “Барои Афғонистон ва кишварҳои ҳамсоя” оид ба муқовимат ба ҷиноятҳои вобаста ба шустани маблағ ва коррупсия кори худро дар Агентии назорати маводи нашъаовари назди Президенти ҶТ оғоз намуд. Семинари мазкур бо дастгирии Дафтари Раёсати СММ оид ба маводи нашъаовар ва ҷинояткорӣ дар Тоҷикистон ташкил гардид. Семинарро коршиноси байналмиллалӣ оид ба мубориза бо шустани маблағи Раёсати СММ оид ба маводи нашъаовар ва ҷинояткорӣ дар шаҳри Вена Оливер Гадни мегузаронад.Др семинар 10 корманди ҷавони агентӣ ва 5 аъзои Шӯрои собиқадорони агентӣ дониши худро дар доираи васеи масъалаҳо, аз ҷумла пешгирии шустани маблағ, ошкор намудани сарчашмаи маблағгузории терроризм ва ифротгароӣ, инчунин тафтиши ҳодисаҳои маблағгузории фаъолияти гурӯҳҳои муташаккили ҷинояткор, ки бо муомилоти ғайриқонунии маводи нашъаовар алоқаманданд, такмил медиҳад.Гадни ба ташаббусҳои Тоҷикистон оид ба гузаронидани семинари мазкур баҳои баланд дода, зикр намуд, ки ин дар кишварҳои аъзои Барномаи минтақавии “Барои Афғонистон ва кишварҳои ҳамсоя”семинари аввалин мебошад.Дар ин бора ба АМИТ «Ховар» аз хадамоти матбуоти Агентии назорати маводи нашъаовар хабар доданд.