Таъсиси сехи истеҳсоли макарон дар Қайроққум
Душанбе, 11.10.2014. (АМИТ “Ховар”, Мавҷуда Анварӣ).- Зимни сафари корӣ дар шаҳри Қайроққум раиси вилояти Суғд Абдураҳмон Қодирӣ дирӯз бо фаъолияти корхонаҳои саноатии ин минтақа, аз ҷумла корхонаи истеҳсоли ордии ҶДММ «Чархи гандумин» ошноӣ пайдо намуд.
Корхонаи мазкур дар як шабонарӯз иқтидори коркарди 90 тонна гандумро дорад. Дар корхонаи орди ҶДММ «Чархи гандумин» 20 нафар бо кори доимӣ фаро гирифта шуд. Корхона навъҳои 1-2-юми орд ва хӯрок барои чорворо истеҳсол мекунад. Ордҳои истеҳсолнамудаи корхонаи мазкур ба бозорҳои шаҳру навоҳии вилояти Хатлон ва Вилояти Мухтори Кӯҳистони Бадахшон ба фурӯш бароварда мешаванд.
Дар идомаи сафари хеш Абдураҳмон Қодирӣ аз корхонаи истеҳсоли орди ҶДММ «Хубон» боздид ба амал овард. Дар ин корхона 17 нафар ба кор фаро гирифта шуда, дар як шабонарӯз 60 тонна гандум коркард мешавад. Роҳбари ҶДММ «Хубон» зикр кард, ки рӯзҳои наздик дар корхона сехи макарон таъсис дода мешавад.
Абдураҳмон Қодирӣ ҳамчунин бо фаъолияти корхонаи пахтатозакунии ҶДММ «Сидней- Хуҷанд» аз наздик шиносоӣ пайдо намуд. Корхона дар як шабонарӯз иқтидори коркарди 33 тонна пахтаро дорад. Дар корхона 16 нафар бо кори доимӣ фаро гирифта шудааст.
Абдураҳмон Қодирӣ аз корхонаи паррандапарварии ҶДММ «Дӯстон» низ дидан намуд. Дар корхонаи мазкур 10 ҳазор мурғ парвариш ёфта, ҳамарӯза зиёда аз 7 ҳазор дона тухм ба бозорҳои дохилии шаҳр ва навоҳии вилоят, аз ҷумла, Хуҷанд, Чкалов, Б. Ғафуров бароварда мешавад. Дар корхонаи ҶДММ «Дӯстон» 20 нафар бо кори доимӣ фаро гирифта шудааст.
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
