Тавсияҳо оид ба татбиқи технологияҳои гуногуни ҳифзи хоку об

Душанбе, 21.10.2014. (АМИТ “Ховар”, Ситораи Боймурод).- Тибқи итттилои Академияи илмҳои кишоварзии кишвар олимони Институти хокшиносӣ мунтазам ба хоҷагиҳои деҳқонӣ ва дигар шаклҳои истифодаи замин дар вилоятҳои Хатлону Суғд ва ноҳияҳои тобеи ҷумҳурӣ оид ба беҳтар намудани ҳосилхезӣ, пешгирӣ аз таназзул ва дубора шӯршавии хокҳо дастуру тавсияҳо пешниҳод намуданд. Аз ҷумла, бо супориши Ҳукумати ҷумҳурӣ дар ноҳияи Хуросон ва Стансияи таҷрибавии хокшиносӣ-мелиоративии Вахш қитъаҳои таҷрибавӣ оид ба интихоби зироатҳои кишоварзии ба шӯрӣ тобовар ва ҳосилнокии онҳо таҳқиқоти илмӣ соли дуюм аст. ки идома доранд.Инчунин дар водии Рашт ба як силсила хоҷагиҳои деҳқонии ноҳияҳои Нуробод, Рашт ва Тоҷикобод оид ба истифодаи самараноки замин ва ҳосилхез намудани хок ва тарзи истифодаи нуриҳои минералӣ дастуру тавсияҳо дода шуданд.Дар асоси таҳқиқоти соли гузашта имсол ба хоҷагиҳои деҳқонии ноҳияҳои Рӯдакӣ, Ҳисор, Шаҳринав ва Файзобод дастурҳо оид ба татбиқи технологияҳои гуногуни ҳифзкунандаи хок. сарфакунандаи об ва нигоҳдорандаи намӣ дода шуда, то имрӯз дар хоҷагиҳо татбиқ шуда истодаанд.