Вохурӣ дар маҳаллаи «Сурхоб»
Душанбе, 10.10.2014. (АМИТ «Ховар», Кристина Эрлих). – Кормандони Агентии назорати маводи нашъаовари назди Президенти ҶТ ба манзури ҷилавгирии нашъамандӣ ва тарғиби тарзи солими зиндагӣ якҷоя бо намояндагони Кумитаи кор бо занон ва оилаи назди Ҳукумати ҶТ ва Раёсати ВКД шаҳри Душанбе бо занону духтарони маҳаллаи «Сурхоб» — и ноҳияи Шоҳмансури пойтахт мулоқот анҷом доданд.
Тавре ки Агентии назорати маводи нашъаовари ҶТ хабар медиҳад, дар ин нишаст масоили аз байн бурдани ҳодисаҳои истеъмоли маводи мухаддир аз ҷониби ҷавонон, зарари истифодаи маводи нашъаовар ва ҷинояткориҳои байни наврасону ҷавонон мавриди муҳокима қарор гирифтанд.