«Забон- ҳастии миллат»: мизи мудаввар
Душанбе, 2.10.2014. (АМИТ “Ховар”, Мавҷуда Анварӣ).- Бо ибтикори роҳбарияти Вазорати корҳои дохилӣ дар толори Раёсати Вазорати корҳои дохилӣ дар нақлиёт бахшида ба рӯзи забони давлатӣ дар мавзӯи «Забон ҳастии миллат» мизи мудаввар баргузор гардид.
Тибқи иттилои Маҳбуба Гулова, корманди вазорат, дар чорабинӣ олимони забоншинос, шоирон, донишҷӯён ва кормандони ВКД дар нақлиёт иштирок намуданд.
Муовини сардори РВКДН Атобек Имомёрбеков таъкид намуд, ки: «Ҳеҷ чиз дар олам муқаддастар ва азизтар аз забон нест. Инсон бо забони ширину гуворои худ аз тамоми махлуқот фарқ мекунад. Устод Лоиқ дар ашъори ҷовидонаи худ таъкид мекунад, ки касе забони модариро надонад, шири модар бар ӯ ҳаром аст. Устод Айнӣ гуфтааст, ки забони тоҷикӣ — забони ноб ва ҷонгудоз аст. Муъмин Қаноат мегӯяд, ки ин забон пур аз меҳру ҷавҳар аст. Фарзона забони модариро ба меҳан монанд мекунаду Гулрухсор ба ҳастии миллат шабоҳат медиҳад. Ҳар шахс бояд забонро ғанӣ гардонад. Ҳар нафаре, ки ба забони модариаш беэҳтиромӣ мекунад, вай инсони комил нест».
Дар ҷараёни чорабинӣ забоншиносони барҷастаи кишвар дар мавзӯъҳои «Забон ва ҳуввияти миллӣ», «Забон ва Истиқлолият» ва оид ба саҳми забони тоҷикӣ дар ривоҷу равнақи фарҳанги ҷаҳонӣ сухан гуфтанд.
Дар мизи мудаввар ҳамчунин музокира ва мубоҳисаҳо сурат гирифта, иштирокчиён доир ба аҳамият ва моҳияти забон дар инкишофи илму дониш ва пешрафти ҷамъият ибрози назар намуданд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






