Қадрдонии 500 нафар корманди ВКД
Душанбе, 08.11.2014. (АМИТ «Ховар», Мукаддас Темурзода).-Дирӯз дар Кохи «Рӯдакӣ»-и шаҳри Хуҷанд маҷлиси тантанавӣ ва чорабинии идона бахшида ба иди касбии кормандони мақомоти корҳои дохилӣ — Рӯзи милитсия баргузор гардид.
Дар ин чорабинии бошукӯҳ вазири корҳои дохилӣ генерал-лейтенанти милитсияи Раҳимзода Рамазон Ҳамро, раиси вилояти Суғд Абдураҳмон Қодирӣ, губернатори вилояти Боткенти Ҷумҳурии Қирғизистон Жениш Разаков, сардори РВКД дар вилояти Боткент полковники милитсия Анарбой Алимбеков, раисони шаҳру ноҳияҳои вилояти Суғд, собиқадорон ва ҳайати шахсии РВКД дар вилояти Суғд ширкат варзиданд.
Ҷаласаи идонаро вазири корҳои дохилӣ Р. Раҳимзода ифтитоҳ намуда, аз саҳми беандозаи кормандони милитсия дар таъмини волоияти қонун, ҳифзи тартиботи ҷамъиятӣ, мубориза бар зидди ҷинояту ҷинояткорӣ, ҳифзи ҳуқуқу озодиҳои шаҳрвандон ёдовар шуда, афзуд, ки ин ҳама талошу заҳматҳо, ки барои таъмини суботу оромӣ, ҳифзи дастовардҳои истиқлолият ва осудагии ҳаёти мардум равона гардиданд, рамзи садоқат ба давлату миллат ва эҳтиром ба сокинони он буд, ки ҳайати шахсии мақомоти корҳои дохилӣ аз худ нишон дод.
Ногуфта намонад, ки дар мубориза ва набардҳо садҳо нафар фарзандони содиқи Ватан ҷони худро аз даст дода, даҳҳо нафари дигар маъюбу маҷрўҳ гардидаанд, ки мо қаҳрамонию корнамоӣ ва хотираи неки онҳоро ҳамеша пос медорем.
Дар ҷараёни чорабинии мазкур бо Фармони вазири корҳои дохилии Ҷумҳурии Тоҷикистон Раҳимзода Рамазон Ҳамро бахшида ба Рӯзи милитсия ба зиёда аз 500 нафар корманди мақомоти корҳои дохилӣ дар вилояти Суғд ва 45 нафар собиқадор туҳфаҳои пулию молӣ тақдим карда шуд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






