Ҳаҷми буҷаи давлатӣ тайи 10 моҳи соли ҷорӣ

 
Душанбе,  24.11.2014. (АМИТ «Ховар»,  Покизаи  Шодмон).- Аз  моҳи  январ то  моҳи  октябри соли  равон  ҳаҷми  умумии  буҷети давлатии  Тоҷикистон 10 миллиарду  471 миллиону  500 ҳазор  сомонӣ, ё  102,9  фоизи нақшаи  дақиқшударо ташкил  дод.
Мувофиқи  маълумоти  пешакии Вазорати молияи  кишвар,  ҳаҷми  умумии  буҷети давлатӣ тайи  даҳ  моҳи  соли  равон  9 миллиарду  393  миллиону 500 ҳазор сомониро  ташкил   дод, ки он 102,5  фоизи   нақшаи  дақиқшударо ташкил  медиҳад.
Аз  ҷумла,  даромади  андоз баробари 7  миллиарду  601  миллиону 800 ҳазор  сомонӣ буд, ки  нисбат ба  ҳамин  давраи  соли гузашта баробари  1 миллиарду  464  миллиону  800  ҳазор  сомонӣ  зиёд  аст. Мадохили  ғайриандозӣ  дар  ҳаҷми  умумии  даромад  7,8  фоиз, ё 731  миллион  сомониро ташкил дод. 
Дар  давраи  зикршуда  хароҷоти  буҷети  давлатӣ  беш  аз 8 миллиарду 800 миллион  сомониро  ташкил  дод, ки  нисбат ба  ҳамин  давраи  соли гузашта   баробари  1  миллиарду  219  миллиону 300  ҳазор  сомонӣ  афзудааст.