Ҳамла бо таппончаи сохта

Душанбе,  4 ноябр. (АМИТ «Ховар»,  Муқаддас  Темурзода ).-  3  ноябр  кормандони  ВКД  ҶТ   дар  шаҳри  Душанбе  донишҷӯён Тоир Одилов,  Солеҳ  Хайриддинов,  Сӯҳроб  Салимов  ва  Акбар  Қудратовро, ки дар  пойтахт  сукунат  доранд,  бо  гумонбари ғоратгарӣ дастгир  намуданд.
Мувофиқи  маълумоти ВКД ҶТ,  шаҳрванди 28  солаи Ҷумҳурии  Мардумии  Чин  Юу Тсзен, ки  дар  шаҳри  Душанбе  муваққатан   истиқомат мекунад, изҳор  доштааст, ки  2  ноябр  шахсони ниқобпӯш бо  истифода  аз яроқи  беоташ  ва  таппончаи  сохта вориди хонааш  шуда, 70 сомонӣ ва телефонии «Айфон — 5» — ро  аз ӯ кашида гирифтаанд. 
Тафтишот  аз  рӯи  ин  қазия  идома дорад.