Ҷаласаҳои гурӯҳҳои корӣ дар ҳошияи Ҳафтаи давлатҳои Авруосиё

Душанбе, 10.11.2014. (АМИТ «Ховар»).-  Дар  ҳошияи  ҷаласаи  умумии  Гурӯҳи  Авруосиё  оид ба  муқовимат  ба  қонунигардонии  даромади   ҷинояткорона  ва  маблағгузории  терроризм, ки аз  10 то  14  ноябр   дар  шаҳри  Душанбе баргузор  мегардад,  ҷаласаҳои  гурӯҳҳои  корӣ  оғоз  ёфтанд.  Намояндагони   нуҳ  давлати  аъзои  Гурӯҳи  Авруосиё   масоили  марбут ба  ҳуқуқ,   назорати   мубориза бо  маблағгузории  нашъаҷаллобӣ,  ҷинояткорӣ ва терроризмро  муҳокима  менамоянд. 
Дар  кори  ҷаласа  беш  аз 200 нафар вакили  Беларус, Ҳиндустон, Қазоқистон,  Чин, Қирғизистон,  Русия,  Тоҷикистон,  Туркманистон ва  Ӯзбекистон  иштирок  менамояд. 
Ёдовар  мешавем, ки  ба  Гурӯҳи  кории  Авруосиё  оид ба  муқовимат  ба  қонунигардонии  даромади  ҷинояткорона  ва  маблағкории  терроризм нуҳ давлат: Беларус, Ҳиндустон, Қазоқистон,  Чин, Қирғизистон,  Русия,  Тоҷикистон,  Туркманистон ва  Ӯзбекистон шомиланд.
14  давлат ва  18  созмони  байналмилалию  минтақавӣ  мақоми   мушоҳидро  доранд.