Ҷаласаи 22 пленарии Гурӯҳи Авросиё- дар Тошканд

Душанбе, 14.11.2014. (АМИТ «Ховар», Покизаи Шодмон). — Имрӯз  ҷаласаи 21 пленарии Гурӯҳи АвруОсиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм дар шаҳри Душанбе анҷом ёфт. 
  Аз рӯи иттилои Хадамоти матбуоти Бонки миллии Тоҷикистон дар ҷараёни ҷаласа ҷамъбасти фаъолияти гурӯҳҳои корӣ оид ба давраи ҳисоботӣ шунида шуда, масъалаҳои нави татбиқи рукнҳои Гурӯҳи татбиқи чораҳои молиявии муқовимат ба шустани пул (ФАТФ) мавриди музокираи умумии хозирин қарор гирифт ва бо назардошти таклифу пешниҳодҳои иштирокдорони ҷаласа хулосаҳои мувофиқашуда бароварда шуданд.              
    Инчунин дар маҷлис ҳисоботи Котиботи Гурӯҳи Авросиё дар соли 2014 ва нақшаҳои ояндаи котиботи мазкур барои соли 2015 шунида шуд ва барои гузаронидани ҷаласаи 22 пленарии Гурӯҳи АвруОсиё дар моҳи майи соли 2015 дар шаҳри Тошканд қарор қабул  шуд.