Ҷаласаи Шӯрои илмию техникӣ
Душанбе, 14.11.2014. (АМИТ «Ховар», Кристина Эрлих ).- 12 ноябр дар шаҳри Душанбе таҳти раёсати сардори Сарраёсати геологияи назди Ҳукумати Ҷумҳурии Тоҷикистон Мурод Ҷумъазода ҷаласаи Шӯрои илмию техникӣ баргузор гардид.
Тавре ки аз Сарраёсати геологияи Тоҷикистон хабар доданд, дар ҷараёни ҷаласа ду мавзӯъ — «Ҷустуҷӯи муфассали тилло дар мавзеи Аллохтони минтақаи Зарафшон» ва «Иктишофи пешакии кони Ҷиҷиқуруд» баррасӣ шуд.
Ғайр аз ин масоили ҷории вазъ ва рушди иктишофоти геологии Тоҷикистон мавриди муҳокима қарор гирифтанд.