Бозхонд гардидани судя бо ҷурми порагирӣ
Душанбе, 20.11.2014.(АМИТ «Ховар», Марзия Саидзода).-Бо пешниҳоди Президенти Ҷумҳурии Тоҷикистон ва қарори иҷлосияи нуздаҳуми Маҷлиси миллии Маҷлиси Олии Ҷумҳурии Тоҷикистон Ҷалол Исроилов-судяи Суди Олии иқтисодии Ҷумҳурии Тоҷикистон бо сабаби содир намудани кирдоре, ки шаън ва эътибори судяро паст мезанад, аз вазифаи судяи Суди Олии иқтисодии Ҷумҳурии Тоҷикистон бозхонд карда шуд. Бояд тазаккур дод, ки 17 июли соли равон дар ҷараёни иҷлосияи ҳаждаҳуми Маҷлиси миллии Маҷлиси Олии ҷумҳурӣ дар асоси пешниҳоди Прокурори генералии ҷумҳурӣ Маҷлиси миллӣ барои ба ҷавобгари ҷиноятӣ кашидан ва ба ҳабс гирифтани Ҷ. Исроилов ризоият дода буд.
Қазияи Ҷ. Исроилов бо ҷурми гирифтани 8 000 $ пора аз роҳбари хоҷагии деҳқонии «Саидшариф Шарифов»-и ноҳияи Кӯҳистони Мастчоҳ Ҳасанов М.А дар натиҷаи андешидани чораҳои фаврӣ -тафтишотӣ аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон ошкор гардид.
Ҳамзамон дар иҷлосияи нуздаҳуми Маҷлиси миллӣ бо пешниҳоди Президенти кишвар ва қарори Маҷлиси миллӣ ваколати судяи Суди Олии Ҷумҳурии Тоҷикистон Улуғбек Маҳмадшоев бинобар вафоташ қатъ карда шуд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
