Бунёди 170 иншоот ба бузургдошти Ҳамадонӣ
Душанбе, 27.11.2014. (АМИТ «Ховар», Мавҷуда Анварӣ). — Соли 2015 дар Тоҷикистон 700 — солагии шоир, олим ва мутафаккири барҷастаи форсу тоҷик Мир Сайид Алии Ҳамадонӣ якҷо бо 70-солагии Донишгоҳи давлатии Кӯлоб ва бахшида ба соли «пойтахти фарҳангии ИДМ» эълон гаштани шаҳри Кӯлоб баргузор хоҳад шуд.Ба иттилои роҳбари дафтари матбуотии шаҳрдории Кӯлоб С. Фаррухшо қарор аст, ки то замони таҷлили 700-солагии мутафаккири тоҷику форс Мир Сайид Алии Ҳамадонӣ беш аз 170 иншооти таъйиноти мухталиф дар шаҳри Кӯлоб бунёд шавад. «147 иншоот аз ҷониби соҳибкорон бунёд гардида, 24 иншооти дигар аз ҳисоби маблағҳои буҷавӣ эъмор мешавад. То ин муддат аллакай 63 иншоот мавриди истифода қарор гирифта, садҳо ҷойи нави корӣ таъсис дода шудаанд»,- зикр кард С. Фаррухшо. Мир Сайид Алии Ҳамадонӣ-олими бузурги фалсафа, илоҳиёт ва адиби ширинсухани форсу тоҷик соли 1314 ба дунё омадааст. Асарҳои ӯ дар китобхонаҳои машҳури Эрон, Покистон, Ҳиндустон ва Тошканд маҳфузанд. Дар ганҷинаи Пажӯҳишгоҳи ховаршиносии шаҳри Душанбе 52 асари ӯ гирдоварӣ шудааст.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
