Дар Суғд беш аз 84 килограмм маводи мухаддир нест карда шуд

Хуҷанд,  7  ноябр. (АМИТ «Ховар», Абдуаҳад  Шарифзода).-  5  ноябр дар  ҳузури  комиссия  аз ҷумлаи  намояндагони  прокуратура,  мақомоти ҳифзи  ҳуқуқ,  ҳамчунин  ВАО  дар Агенти  назорати  маводи  нашъаовари назди  Президенти  ҶТ  дар  вилояти  Суғд  маросими  нест  кардани маводи  мухаддир  баргузор  шуд. 
Тавре  ки   аз  маркази  матбуоти  агентӣ  хабар  доданд,  84  килограмму  269  грамм   маводи  мухаддир,  аз ҷумла 44  килограмму  73  грамм  героин, 32  килограмму  289  грамм  тарёк  ва 5  килограмму  808  грамм  ҳашиш  дар   кураи  махсуси  агентӣ  оташ  зада  шуд. 
Ин миқдор маводи  мухаддир  дар ҷараёни амалиёти фаврии  кормандони  агентӣ ва  мақомоти  дигари  дахлдор  мусодира   шуда буд. 
Кормандони  мақомоти   дахлдор  тайи  10  моҳи  соли  ҷорӣ  дар  ҳудуди  вилояти  Суғд  588  килограмм   маводи  мухаддирро  мусодира  намуданд. 
Тайи  10  моҳи  соли  гузашта  кормандони  мақомоти  дахлдор  186 ҷинояткории  марбут  ба  маводи  нашъаоварро  ошкор   намуда буданд.