Дастгирии ятимону маъюбон-кори хайр

Душанбе, 20.11.2014. (АМИТ «Хоар», Раъно Нусратуллозода).-Дирӯз ректори Донишкадаи молия ва иқтисоди Тоҷикистон  Ашурбой Солиев бо донишҷӯёни комилан ятим ва маъюбони гурӯҳи дуюми донишгоҳ вохӯрӣ анҷом дод.
 Тавре ки котиби матбуоти донишкада Машҳура Абдуллоева        иттилоъ дод, зимни мулоқот ректор гуфт, ки Раёсати донишкада тасмим гирифтааст, ки  пайваста ин табақаи ҷомеаро аз ҷиҳати моддию  маънавӣ дастгирӣ намояд.
Бояд иброз дошт, ки аз ҳисоби Раёсати донишкада ба ин донишҷӯён хӯроки гарми доимии нисфирӯзӣ ташкил шуда, либосҳои гарми зимистона харида мешавад, илова намуд мавсуф.
Ашурбой Солиев донишҷӯёнро ба хониши хубу аъло, иштироки фаъолона дар корҳои ҷамъиятӣ, ташаббускорӣ, ташкилотчигӣ ва ватандӯстиву худшиносии миллӣ даъват намуд.
Ёдовар мешавем, ки феълан дар донишкада 15 нафар донишҷӯи комилан ятим ва 11 нафар маъюб ба тариқи буҷавӣ таҳсил дорад.