Дипломатҳои тоҷик бо муҳоҷирон суҳбат мекунанд
Душанбе, 24.11.2014. (АМИТ «Ховар», Марҳабои Азамат).- Сардори раёсати хидматрасонии консулии Сарраёсати консулгарии ВКХ ҶТ Садбарг Ғаниева ва Консули генералии ҶТ дар шаҳри Екатеринбург Сафар Сафаров дар шаҳрҳои Новосибирск, Кемерово, Томск, Омск, Новокузнетск, Рубсовк, Барнаул ва Оби округи Сибири Федератсияи Русия ба ҳамватанонамон кори тавзеҳотию иттилоотиро анҷом доданд.
Дар хадамоти матбуоти Сафорати ҶТ дар ФР дар ин бора ба АМИТ «Ховар» хабар доданд.
Мувофиқи суханони манбаъ, дар ҷараёни вохӯрӣ бо роҳбарият ва фаъолони ҷамоаи тоҷикони шаҳрҳои зикршуда, роҳбарони гурӯҳҳои сохтмончиён, коргарони касбашон гуногун ва муҳоҷирони меҳнатӣ тартиби ба расмият даровардан ва гирифтани шиносномаҳои хориҷӣ, ҳамчунин қоидаҳои нави муҳоҷират дар ФР, ки аз 1 январи соли 2015 дар қаламрави Русия эътибор пайдо мекунанд, тавзеҳот дода мешавад.
«Дар боби шиносномаҳои биометрии хориҷӣ гирифтани шаҳрвандонамон ҳоҷати ташвиш нест. Мо барои фароҳам овардани шароити мӯътадил ва давра ба давра таъмин намудани шаҳрвандони дар Русия будаамон бо шиносномаҳои хориҷӣ ҳамаи чораро мебинем. Ин масъала таҳти назорати муовини аввали вазири корҳои хориҷии Тоҷикистон Озода Раҳмон ва сафири ҶТ дар ФР Имомуддин Сатторов қарор дорад», — гуфт намояндаи расмии Сафорати ҶТ дар ФР Муҳаммад Эгамзод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






