Дурнамои рушди иқтисодиёт бо Бонки рушди Авруосиё

Душанбе, 20.11.2014 (АМИТ «Ховар», Мавҷуда Анварӣ).-  Масъалаҳои рушди иҷтимоию иқтисодии ҷумҳурӣ, омилҳои асосии рушди иқтисодиёти кишвар, дурнамои рушди иқтисодиёт дар ояндаи миёнамуҳлат, раванди татбиқи ислоҳоти иқтисодӣ, татбиқи лоиҳаҳо, ҷалби сармоя, фаъолияти бонкҳо ва низоми қарздиҳӣ ва рушди бахши хусусӣ дар вохӯрии муовини аввали вазири рушди иқтисод ва савдо Неъматҷон Буриев бо ҳайати коршиносони Бонки рушди Авруосиё- мудирияти маблағҳои Хазинаи зиддибуҳронӣ таҳти роҳбарии Алишер Мирзоев, ки дирӯз дар Душанбе баргузор гардид,  мавриди баррасӣ қарор гирифт.
Дар ниҳоят тарафҳо азми қавии худро ҷиҳати густариши минбаъдаи ҳамкориҳо барои мувофиқа намудани барномаҳои миёнамуҳлате баён доштанд, дар назар аст барои татбиқи онҳо аз ҷониби Хазинаи зиддибуҳронӣ қарзи молиявӣ пешниҳод шавад.