Э.Раҳмон: Конститутсия озодии эътиқод ва виҷдонро ба ихтиёри инсон вогузор намудааст
Душанбе, 5.11.2014. (АМИТ «Ховар», Зарангези Латиф).- Имрӯз зимни суханронии хеш дар маҷлиси тантанавӣ бахшида ба таҷлили 20-умин солгарди Конститутсия Сарвари Давлат Эмомалӣ Раҳмон ҳамзамон таъкид намуд, ки: «Конститутсия озодии эътиқод ва озодии виҷдонро ба ихтиёри инсон вогузор намуда, нуктаи муҳим ва марказии ин озодӣ эътирофи ҳаққи инсонҳо ба ҳамин арзишҳо буда, ҳукми ихтиёр ва ҷонибдорӣ кори шахсии ҳар фард аст».
Президенти мамлакат Эмомалӣ Раҳмон дар ҷараёни суханронии хеш зикр намуд, ки «Маҳз ба ҳамин хотир дар Конститутсия таъкид гардидааст, ки: «Ҳар кас ҳақ дорад муносибати худро нисбат ба дин мустақилона муайян намояд, алоҳида ва якҷоя бо дигарон динеро пайравӣ намояд ва ё пайравӣ накунад, дар маросим ва расму оинҳои динӣ иштирок намояд».