Фавти ду кӯдаки ноболиғ дар паи заҳролудшавӣ

Хуҷанд, 8.11.2014. (АМИТ “Ховар”, Абдуаҳад Шарифзода).-Бо оғози  фасли сармо дар шимоли кишвар боз як ҳодисаи заҳролудшавӣ  ба қайд гирифта шуд.
Тавре  ки ба АМИТ “Ховар” аз Раёсати ВКД ҶТ дар Суғд иттилоъ доданд, 3 ноябри соли ҷорӣ, тахминан соати 4 саҳар, истиқоматкунандагони деҳаи Дар-дари  ноҳияи Айнӣ, ду хоҳараки хурдсол  Шукрона Норакова,  соли таваллудаш  2011 ва Саидмоҳ Норакова,  соли таваллудаш  2013  аз  дуди ангишт заҳролуд гашта,  оқибат дар ҷои ҳодиса  ҳалок гаштаанд.
Бояд гуфт, ки дар тӯли даҳ рӯзи охир дар миқёси вилоят ин  дувумин ҳодисаи заҳролудшавии сокинон мебошад.  Чанде пеш сокини ноҳияи Спитамен дар ҳавлии истиқоматии худ ҳалок гашт.