Хонаи ятимон дар Тоҷикобод
Душанбе, 25.11.2014. (АМИТ «Ховар», Пайрави Қосим).- Ҳафтаи гузашта маросими расмии мавриди истифода қарор додани хонаи ятимони «Ширинчашма» — и ноҳияи Тоҷикободи водии Рашт баргузор гардид. Хонаи ятимон тибқи барнома ва ёрии молиявии сафорати ИМА дар Тоҷикистон бунёд шудааст.
Тавре ки аз сафорати ИМА дар Тоҷикистон хабар доданд, дар ин маросим раиси ноҳияи Тоҷикобод Ализода Хоҷамир ва муовини роҳбари намояндагии сафорати ИМА Роберт Бёрҷес ширкат доштанд. Мақсад аз лоиҳае, ки хонаи ятимон дар ҳошияи он бунёд шудааст, бо манзил таъмин кардани ятимон ва хонандагони мактаб — интернат аст.
Иншооти мазкур хобгоҳ, дарсхонаҳо ва ошхонаро дар бар мегирад.