М. Убайдуллоев бо ҳайати парлумонӣ ба Русия меравад
Душанбе, 25.11.2014.(АМИТ «Ховар», Марзия Саидзода).-Фардо, 26 ноябр ҳайати парлумонии Ҷумҳурии Тоҷикистон таҳти роҳбарии Маҳмадсаид Убайдуллоев -раиси Маҷлиси миллии Маҷлиси Олии Ҷумҳурии Тоҷикистон бо сафари корӣ озими шаҳри Санкт-Петербурги Русия мегардад.
Назар ба иттилои Шавкат Саидов- ёвари раиси Маҷлиси миллӣ ҳайати парлумонии Тоҷикистон дар доираи ин сафар дар ҷаласаи Шӯро ва иҷлосияи чилуякуми пленарии Ассамблеяи байнипарлумонии кишварҳои Иттиҳоди Давлатҳои Мустақил, кори комиссияҳои доимии он, инчунин чорабиниҳои Ассамблеяи парлумонии Созмони Аҳдномаи амнияти дастаҷамъӣ ва Ассамблеяи байнипарлумонии Иттиҳоди иқтисодии АвруОсиё иштирок менамоянд.