Мизи мудаввар дар ҳошияи иқдоми «16 рӯзи бидуни зӯроварӣ»

Душанбе,  24.11.2014. (АМИТ «Ховар»,  Марҳабои  Азамат).-  27  ноябр  дар  маркази  савдои «Пойтахт» — и  шаҳри  Душанбе  бахшида ба  иқдоми  ҳарсолаи «16 рӯзи  бидуни  зӯроварӣ» — и  СММ  мизи  мудаввар   доир  мешавад.
Дар  ин  бора ташкилкунандаи  чорабинӣ  —  раиси Созмони  ҷамъиятии «Занони  дорои  таҳсилоти  донишгоҳӣ» Гулҷаҳон  Бобосодиқова  ба  АМИТ «Ховар  хабар  дод. 
«Ин  мавзӯъ дар ҷомеаи  Тоҷикистон ҳанӯз  ҳам муҳим буда, мо  мехоҳем, ки дар  ин  мавзӯъ гуфтугӯ  карда, фикри  роҳбарони  созмонҳои  ҷамъиятӣ,  ҷомеаи  шаҳрвандӣ,  коршиносони  ин  бахшро  фаҳмем ва  мақоми  ВАО – ро  дар   ҳалли  ин  мушкилот низ  мавриди  муҳокима  қарор  диҳем», — гуфт  мавсуф.