Муҳокимаи масоили ВАО – и русзабон

Душанбе,  24.11.2014. (АМИТ «Ховар»,  Марҳабои  Азамат ).- Шуъбаи  журналистикаи фокултаи  филологияи Донишгоҳи  славянии   Русия  ва  Тоҷикистон  19  декабри  соли  ҷорӣ конфронси  илмию  амалии ҷумҳуриявии «ВАО – и  русзабон  дар   шароити  ҷомеаи  иттилоотии Тоҷикистон» — ро  доир  карданист. Дар  ин  бора  аз донишгоҳи  мазкур  ба  АМИТ «Ховар»  хабар  доданд. 
Назар  ба   иттилоои  манбаъ,  масоили «Сомеа ва   дурнамои  ВАО – и  русзабон  дар  Тоҷикистон»  ва «Хусусияти  ВАО – и Русзабон  дар  Тоҷикистон» ба  муҳокимаи  конфронс  гузошта  мешаванд. 
Кумитаи тадорукотии  конфронс мавзӯъҳои  маърӯзаҳоро  барои  шомил  намудани онҳо  ба барнома  қабул  мекунад. Аз рӯи  натиҷаи  конфронс  маҷмӯаи  маводҳои  конфронс  интишор  мешавад.