Мулоқоти ҳайати намояндагони вилоятҳои Суғду Ботканд
Душанбе, 8.11.2014. (АМИТ “Ховар”, Зарангези Латиф).-Дирӯз мулоқоти ҳайати намояндагони вилояти Суғди Ҷумҳурии Тоҷикистон ва вилояти Ботканди Ҷумҳурии Қирғизистон дар қароргоҳи Сарвари давлат, воқеъ дар шаҳри Хуҷанд баргузор гашт.
Дар мулоқот раиси вилоят Абдураҳмон Қодирӣ ҳайати меҳмононро ба вилояти Суғд хайрамақдам гуфта, изҳор дошт, ки муносибатҳои дуҷонибаи кишварҳо таърихи чандасра дошта, мақомоти иҷроияи ҳокимияти давлатии вилояти Суғд ба густариши ҳамкориҳо дар самтҳои мухталифи хоҷагии халқ, аз ҷумла савдо, иқтисодиёт, иҷтимоиёт, фарҳанг ҳавасманд мебошад.
Бояд зикр намуд, ки вилояти Суғди Ҷумҳурии Тоҷикистон бо вилояти Ботканди Ҷумҳурии Қирғизистон ҳамсарҳад буда, то имрӯз байни ин вилоятҳо якчанд созишномаи ҳамкорӣ ба имзо расонида шудааст, ки он муносибати дӯстонаву манфиатбахши ҷонибҳоро таъмин месозад.
— Мулоқоти сатҳи аввали ин вилоятҳо ва ба имзо расонидани созишномаи вусъати ҳамкориҳо аз мулоқоти сарони ду давлат, ки дар доираи баргузории ҷаласаи Созмони ҳамкории Шанхай моҳи сентябри соли равон дар шаҳри Душанбе баргузор гашт, сарчашма гирифта, саҳифаи нави муносибатҳои дӯстонаи ин минтақаҳоро боз хоҳад кард — таъкид дошт зимни суҳбат раиси вилоят.
Дар навбати худ намояндаи ваколатдори Ҷумҳурии Қирғизистон дар вилояти Ботканд Жениш Разаков гуфт, ки мо бо мардуми сарбаланди тоҷик аз аввал муносибатҳои мустаҳками ҳамсоягӣ доштем ва имрӯз низ ба идомаи ин сиёсат ва ривоҷ додани он омода ҳастем. Зикр ёфт, ки вилояти Суғди Ҷумҳурии Тоҷикистон барои вилояти Ботканди Ҷумҳурии Қирғизистон ҳамчун шарики боътимоди хориҷӣ ба ҳисоб рафта, ҷониби Ботканд аз густариш ва рушди бахшҳои мухталиф, минҷумла муносибатҳои иқтисодӣ манфиатдор аст.
Дар ин бора аз дафтари матбуоти раиси вилояти Суғд хабар доданд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






