Мулоқоти сафири Тоҷикистон бо вазири нерӯи таҷдидпазири Миср

Душанбе, 4.11.2014 (АМИТ “Ховар”).- 3 ноябри 2014 дар Қоҳира вазири барқ ва нерӯи таҷдидпазири Ҷумҳурии Арабии Миср Муҳаммад Шокир ал-Марқабӣ Сафири Фавқулода ва Мухтори Ҷумҳурии Тоҷикистон дар Ҷумҳурии Арабии Миср Хусрав Нозириро ба ҳузур пазируфт. Ҳолати кунунӣ ва дурнамои густариши нерӯи ҷойгузин ва тачдидпазир дар ду кишвар меҳвари гуфтушунидро ташкил дод. Дар ин росто, ду ҷониб алоқамандии худро ба барқарорӣ ва тавсеаи ҳамкории мутақобилан судманд дар заминаи истифодаи манбаъҳои нави ҷойгузин ва таҷдидпазири нерӯ, аз ҷумла дар чаҳорчӯби Комиссияи муштараки байниҳукуматии Тоҷикистону Миср роҷеъ ба ҳамкории иқтисодиву фаннӣ ва илмӣ изҳор намуданд.