Мусодираи маводи сахттаъсири героин
Душанбе, 21.11.2014. (АМИТ «Ховар», Муқаддас Темурзода).-Зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия дар ҳудуди шаҳри Душанбе шаҳрванд Икромҷон Икромов соли таваллудаш 1985, истиқоматкунандаи шаҳри Ваҳдат, ки пеш бо моддаи 237 КҶ ҶТ суд шудааст, бо гумони даст доштан дар гардиши ғайриқонунии маводи мухаддир дастгир шуд.
Назар ба иттилои ВКД ҶТ, дар вақти кофтукови шахсӣ аз ӯ 970 грамм маводи нашъадори сахттаъсири героин дарёфт ва мусодира гардид. Нисбат ба далели мазкур парвандаи ҷиноятӣ оғоз гардида, тафтиш бурда мешавад.