Пирӯзии навбатии «Истиқлол»

Душанбе,  24.11.2014. (АМИТ «Ховар»).- Дастаи  Истиқлол» -и  шаҳри  Душанбе  баъди  пирӯзиаш  барои дарёфти Ҷоми  Федератсияи  футболи  Тоҷикистон  ва Шоҳҷоизаи  кишвар , дар  мусобиқоти  миллӣ  низ  бо  роҳбарии  сармураббӣ Мӯъбин  Эргашев   бо  ҳисоби  5: 2  бар  дастаи  «Регар – ТадАЗ» — и  шаҳри  Турсунзода  ғолиб  омада,  Ҷоми  ҷумҳуриро  ба даст  овард.
Тавре  ки  аз  Федератсияи  футболи  Тоҷикистон  хабар  доданд,   дастаи  «Истиқлол»  маротибаи  чорум  аст, ки  Ҷоми  миллии  Тоҷикистон  оид ба  футболро  ба  даст  меорад. 
Ба  ҳамин  тариқ,  дастаи   «Истиқлол»  соли  ҷорӣ  ҳамаи  ҷоизаҳои  имконпазирро  соҳиб  шуда,  дар  мавсими оянда аз ҷониби  Тоҷикистон  барои  дарёфти  Ҷоми Конфедератсияи  футболи  Осиё -2015 ҳунарнамоӣ  мекунад.