Роҳпаймоии идона ба ифтихори Рӯзи Парчам
Душанбе, 22.11.2014.(АМИТ «Ховар», Марзия Саидзода).-Ба ифтихори Рӯзи Парчами давлатӣ, ки 24 ноябр таҷлил мегардад, шаҳрдории Душанбе маҷмӯи чорабиниҳои идонаро таҳррезӣ намудааст. Тибқи он чорабиниҳои идона ба ифтихори ин санаи таърихӣ рӯзи 24 ноябр дар Майдони Парчами миллии Ҷумҳурии Тоҷикистон баргузор мегардад.
Ҳамзамон, шаҳрдории пойтахт роҳпаймоии идонаи сокинони Душанберо бо ҳузури 8 ҳазору 500 нафар шаҳрвандон /аз ноҳияи Сино 2500 нафар, ноҳияҳои Исмоили Сомонӣ, Фирдавсӣ ва Шоҳмансур-2000 нафарӣ/ ба ифтихори Рӯзи Парчами давлатӣ баргузор менамояд. Дар иртибот барои доир намудани роҳпаймоии идона интизор меравад, ки ҳаракати нақлиёт дар бархе аз ҷодаҳои пойтахт рӯзи 24 ноябр муваққатан қатъ карда шавад. Дар ин рӯз инчунин дар нақлиёти ҷамъиятии пойтахт Парчами давлатии Ҷумҳурии Тоҷикистон насб карда шуда, ба ронандагони онҳо нишони сарисинагӣ бо рамзи Парчами давлатии кишвар дастрас мегардад. Инчунин тавассути мониторҳо дар пойтахт видеороликҳои тарғибкунандаи рамзҳои давлатии Ҷумҳурии Тоҷикистон ба роҳ монда мешавад.
Бояд тазаккур дод, ки сохторҳои марбутаи пойтахт ба ифтихори Рӯзи парчами давлатӣ конфронсу суҳбатҳо, аз ҷумла дар Китобхонаи шаҳрии ба номи Абулқосим Лоҳутӣ ва Китобхонаи муосири пойтахт намоишгоҳи китобҳоро созмон дода, чорабиниҳои гуногуни фарҳангию варзишӣ баргузор намудаанд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
