Сафари Қ. Расулзода ба ВМКБ
Хоруғ, 13.11.2014.(АМИТ «Ховар», Файз Мирасан).-Сарвазири мамлакат Қоҳир Расулзода тӯли сафар дурӯзаи худ дар шаҳри Хоруғ се бинои нави маъмурию иҷтимоиро мавриди баҳрабардорӣ қарор дод. Яке аз ин иншоот соли 2011-ум бо гузоштани санги асос аз ҷониби Сарвари Давлат оғоз гардида, бо ин мақсад аз ҷониби Ҳукумати кишвар зиёда аз 8 миллион сомонӣ ҷудо гардид.
Корҳои сохтмонии бино аз ҷониби ширкати сохтмонии «Монолит-2011» амалӣ гардида, ба сифати корҳо диққати зарурӣ равона шудааст. Он дорои толорҳои ҷарроҳии муҷаҳҳаз бо таҷҳизоти муосири тиббӣ, утоқҳои алоҳида барои модару кӯдак, ҳуҷраҳои муоинавӣ ва дигар утоқҳои зарурӣ буда, барои ҳарчӣ хубтар ба роҳ мондани хизматрасонии тиббӣ шароити мусоид фароҳам оварда шудааст.
Сарвазири мамлакат Қоҳир Расулзода таъкид дошт, ки бунёд ва мавриди баҳрабардорӣ қарор гирифтани чунин биноҳои замонавии таъйиноти иҷтимоӣ натиҷаи таваҷҷуҳи бевоситаи Сарвари давлат ҷиҳати рушди минтақаҳои дурдасти кишвар ба шумор рафта, бунёди таваллудхонаи замонавӣ ба ҳифзи саломатии модару кӯдак заминаи боэътимодест.
Мавриди истифода қарор гирифтани ин гуна бинои муҷаҳҳазро барои соҳаи тандурустӣ метавон боз як қадами устуворе дар самти амалисозии «Стратегияи миллии солимии аҳолии Ҷумҳурии Тоҷикистон барои солҳои 2010-2020» дар шаҳру ноҳияҳои ВМКБ арзёбӣ намуд.
Дар аснои сафари корӣ Сарвазири мамлакат ҳамчунин дар ифтитоҳи бинои хобгоҳ барои донишҷӯёни ДДХ, Дастаи таъйиноти махсуси РВКД, хобгоҳ барои кормандони КАМ ҶТ дар Бадахшон ширкат кард.
Рӯзи 13 ноябр баъди мулокот бо фаъолони ҷомеаи шаҳрвандӣ дар мақомоти маҳаллии ҳокимияти давлатии вилоят ба шаҳри Душанбе бармегардад.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
