Семинари байналмилалии илмию амалӣ
Душанбе, 20.11.2014. (АМИТ “Ховар”, Зарангези Латиф).-Имрӯз дар меҳмонхонаи “Азия-Грант отел”-и шаҳри Душанбе бо дастгирии Ташкилоти ҷаҳонии ҳифзи саломатии ҳайвонот дар Аврупо, Вазорати кишоварзии Ҷумҳурии Тоҷикистон ва Хадамоти назорати давлатии байторӣ бо иштироки намояндагони Афғонистон, Озарбойҷон, Қирғизистон, Туркия, Қазоқистон ва созмонҳои минтақавиву ҷаҳонӣ бори аввал семинари байналмиллии илмию амалӣ оид ба “Пешгирӣ ва мубориза бо бемориҳои сироятии сарҳадгузари ҳайвонот” ба кори худ шурӯъ намуд.
Дар чорабинӣ вазири кишоварзии Ҷумҳурии Тоҷикистон Қосим Роҳбар оид ба вазъи эпидемиологии ҳайвонот, ҳифзи онҳо аз касалиҳои сирояткунанда ва чораҷӯиҳои Ҳукумати ҷумҳурии Тоҷикистон дар радифи таҳияву қабули қонунҳои дахлдор, инчунин фаъолияти самараноки хадамоти байторӣ мухтасар маълумот пешкаш намуд. Ҳамчунин аз ташкилоту созмонҳои ҷаҳонӣ ва кишварҳои саҳмгузор дар баргузории семинари мазкур арзи сипос намуд. Сипас суханони истиқболии роҳбари намояндагии минтақавии Ташкилоти ҷаҳонии ҳифзи солимии ҳайвонот (ТУҲСҲ) дар Аврупо, коршиноси қонунгузории ветеринарӣ, профессор Козимиерас Лукаускас, сармутахассиси идораи Ташкилоти озуқа ва кишоварзӣ СММ дар мамлакатҳои Осиёи Марказӣ, доктор Абдулбоқӣ Меҳрубон ва Президенти Академияи илмҳои кишоварзии Тоҷикистон, академик Изатулло Сатторӣ шунида шуданд.
Зикр қардан ба маврид аст, ки масъалаи паҳн гардидани бемориҳои сироятии сарҳадгузари ҳайвонот имрӯз боиси ташвиши кишварҳои ҳамҳудуд гардидааст. Мақсад аз баргузории семинари мазкур муайянкунӣ ва пешгирии бемориҳои сироятии сарҳадгузари ҳайвонот арзёбӣ мегардад.
Бояд гуфт, ки чорабинии мазкур аз 20 то 22 ноябри соли ҷорӣ идома хоҳад кард.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
