«СМЕК» дар лоиҳаҳои бузургҳаҷми Тоҷикистон иштироки фаъолона дорад
Душанбе, 19.11.2014 (АМИТ «Ховар», Мавҷуда Анварӣ).- Сафири нави фавқулода ва мухтори Австралия дар Ҷумҳурии Тоҷикистон Пол Эндрю Майлер дар ҳузури хабарнигорон иброз дошт, ки яке аз ҳадафҳои асосии рисолати ман ба ҳайси сафир таҳкими бештари ҳамкориҳои байни Тоҷикистону Австралия дар самти мубориза алайҳи терроризм мебошад. Талошҳои худро мо инчунин дар самти мубориза алайҳи он падидаҳои номатлубе, ки имрӯз дар баъзе кишварҳо хуруҷ ёфтаанд, идома хоҳем дод.
Ба рушду густариши ҳамкориҳои иқтисодии байни ду кишвар таваҷҷуҳи хосса зоҳир хоҳем кард. Имрӯз яке аз ширкатҳои бонуфузи кишвари мо бо номи «СМЕК» дар лоиҳаҳои бузургҳаҷми Ҷумҳурии Тоҷикистон фаъолона иштирок дорад ва мо тасмим гирифтаем, ки ҳамкориҳоро минбаъд ҳам идома диҳем.
Барои роҳандозӣ ва татбиқи лоиҳаҳои хурду миёнаҳаҷм низ дар Тоҷикистон изҳори ҳавасмандӣ мекунем. Татбиқи чунин лоиҳаҳои хурдҳаҷм ба баъзе лоиҳаҳои мушаххасе, ки кишвари мо дар парвариши занбӯри асал ва истеҳсоли асал дар Тоҷикистон кумак мекунад, робита дорад.
Пол Эндрю Майлер аз анъанаҳои дӯстии ду кишвар ёдовар шуда, зикр намуд, ки ҳатман аз чунин имконият ва меҳмоннавозиву пазироии мардуми тоҷик шарафманд мегардад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
